Сессияда Қазақстан Рес­­публикасы Пре­зи­ден­тінің 2006 жылғы 18 қаң­тар­дағы №19 Жарлығына сәй­кес облыс әкімі Аман­дық Баталов өзіне жүктелген функциялар мен міндет­тер­дің орындалуы жөнінде мәс­лихат депутаттары ал­дында есеп берді.

– Ағымдағы жылғы жеті айдың қорытындысы бойын­ша, есепті кезеңде об­лыстың әлеуметтік-эко­но­микалық дамуының бар­лық бағыты бойынша тұ­рақ­ты өсім қамтамасыз етіл­ген. Өнеркәсіпте 298 млрд. теңгенің өнімі шығарылып, нақты көлем индексі 98,4 пайызды құрады. 23 жаңа өнеркәсіп нысаны пайда­лануға беріліп, 5 істеп тұр­ған өндіріс кеңейтілді, 1,1 мыңнан астам жұмыс орны құрылды.

Ағымдағы жылы «Ин­дус­трия­лық-инновациялық да­му» мемлекеттік бағдар­ла­масы аясында 955 жаңа жұмыс орнын құра отырып, жалпы құны 15,6 млрд. теңге болатын 5 жобаны жүзеге асыру жоспарланған. Ағым­дағы жылдың 7 айы ішінде 2,8 млрд. теңгеге 1 жоба іске асырылып, 250 жұмыс орны құрылды.

Шағын және орта бизнес белсенді дамуда. Жұмыс істеп тұрған субъектілер саны 3,2 пайызға өсіп, 159,6 мыңды құрады. Барлығы 169,4 млрд. теңгенің өнімі шығарылды, бұл өткен жыл­дан 2,5 пайызға артық.

Ауылшаруашылығында 144,3 млрд. теңгенің өнімі өндірілді. Агроөнеркәсіптік кешенді дамытудың мемле­кеттік бағдарламасы кү­шей­тілді, ағымдағы жылға 31,5 млрд. теңге бюджет қаржысы бөлінген. Агро­өнер­кәсіптік кешеннің не­гізгі капиталына түсетін ин­вестициялар 9,5 млрд. тең­гені құрады, бұл өткен жыл­дың осындай кезеңімен са­лыстырғанда 1,8 есеге артық.

Биылғы 24 тамыздағы жағдай бойынша 298,0 мың га. астық жиналып, 573,2 мың тоннасы тартылды, ал орташа өнімділік – гек­та­рына 19,2 центнер. Картоп, көкөніс, бақша дақылдары мен жеміс-жидек өнімдерін жинау табысты өтуде. Өнім­ділік өсімі 2014 жылдың осын­дай кезеңімен салыс­тырғанда, орта есеппен 11,8 пайызды құрайды, тиісін­ше, жалпы өнімнің түсімі 1,4 есеге артқан.

Мал азығын дайындау жалғастырылуда. 1,7 млн. тонна шөп немесе қажет­тіліктің 88 пайызы, 80,8 мың тонна пішендеме немесе қажеттіліктің 96 пайызы дайындалды.

Облыста 111,7 млрд. тең­­­­геге құрылыс жұ­мыс­тары жүргізілді. 830,6 мың шаршыметр тұрғын үй пай­далануға берілді немесе 2014 жылдың тиісті кезеңі­нен 1,9 есеге артық.

Бюджетке түсетін са­лық­­тар мен басқа да мін­дет­ті төлемдерді жинау жос­­пары 101,4 пайызға орын­­далып, 137,2 млрд. теңгені құрады. Облыс бюд­­жеті шы­ғыстар бойын­ша 188,3 млрд. теңгені құ­рап, 98,3 пайызға орын­далды.

Есепті кезеңде ха­лық­тың жұмыспен қамтылуына аса мән берілді. Облыста 13 мың­нан астам жұмыс орны құ­рылды. Ағымдағы жыл­дың қаңтар-маусымында жұмыс­пен қамту орын­да­рына 21,9 мыңнан астам адам өтініш білдіріп, 16,1 мың жұмыссыз жұмысқа ор­наластырылды. Қоғамдық жұмысқа 6147 адам жі­бе­рілді.

Кәсіби оқытумен 1414 адам қамтылған. Оқуын бі­тір­­ген 1113 адамның 50,9 пайызы жұмысқа тұрды. Әлеу­­­меттік жұмыс орын­да­рына 861 адам, жастар тә­жі­рибесіне 1055 түлек жібе­ріл­ді. Нәтижесінде өз бетінше жұмыспен қамтылғандар үле­сі 39,0 пайыздан 28,4-ке азайған.

Биылғы 1 тамыздағы жағ­дай бойынша сомасы 880,8 млн. теңгеге 63,8 мыңнан ас­там аз қамтылған аза­мат­тар әртүрлі бағыттағы әлеу­мет­тік көмек алды. Кедейлік шегінен төмен тұратын халық үлесі 0,1 пайызды құрады.

Әкімдік жұмысында жы­лыту маусымына дайындық мәселесі елеулі орын алады. Бұл мақсатқа 7,6 млрд. теңге қарастырылған. Қажетті мөл­шерде дизель отыны, мазут, көмір сатып алынды. Тал­дықорған, Үштөбе қала­ла­рының қазандықтары қай­та жаңартылуда, Сарқан қа­ла­сындағы қазандық құры­лысы аяқталуда.

«Нұрлы Жол» бағдар­ла­масы аясында Талдықорған және Қапшағай қалаларында 25 шақырым жылу трассасын салу, сондай-ақ, Заречный ауылындағы қазандық құ­ры­лысы бойынша 1,7 млрд. тең­геге 6 жоба жүзеге асы­ры­луда.

«Алматы-Талдықорған» магистральдық газқұ­бы­ры­ның құрылысы жалғасуда. Барлығы 210 шақырым са­лынды, оның ішінде ағым­дағы жылдың үлесінде – 54 шақырым. Осы мақсатта биыл 4,0 млрд. теңге бөлініп, игерілген.

Есепті кезеңде әлеу­мет­тік сала одан әрі дами түсті. Денсаулық сақтау сала­сын­да ағымдағы жылы 28 ны­санның құрылысы мен жөн­делуі жүргізілуде, оның ішін­де 8-і жылдың соңына дейін іске қосылатын болады, бү­гінгі күні 2 нысан пайда­ла­нуға берілді.

Жылдың соңына дейін Балпық би ауылындағы емха­на, 3 дәрігерлік амбула­то­рия, 1 ФАП және облыстық аурухана ғимараттарының арасындағы өтпе галереясы іске қосылатын болады.

Медициналық меке­ме­лер­дің материалдық-техни­калық базасын нығайту үшін облыстық бюджеттен 1,4 млрд. теңге бөлінген. Об­лыс­тың медициналық ұйым­да­рының жабдықталу көрсет­кіші 2015 жылы 77,94 пайыз­ды құрады.

Есепті кезеңде қоғамдық қауіпсіздікті қамтамасыз ету және қоғамдық тәртіпті кү­шейту мәселелеріне аса мән берілген болатын. Ішкі істер органдарының мате­риал­дық-техникалық базасын ны­ғайту үшін облыстық бюд­жет­тен 10,5 млрд. теңге бө­лінді. 6 нысан күрделі жөн­деуден өткізіліп, қызметтік автокөлік паркі 104 бірлікке толықтырылды. Тұрғын үй­мен біріктірілген учаскелік полиция пунктілерінің құ­рылысы жүргізілуде, – деді.

Ары қарайғы сөзінде об­лыс басшысы халықты сапа­лы ауызсумен қамтамасыз ету мақсатында ағымдағы жылы «Ақбұлақ» бағдар­ла­масы аясында 40 елді ме­кенді орталықтандырылған су жүйесіне қосу, «Жол кар­та­сы жұмыспен қамту – 2020», «Жергілікті өзін-өзі бас­қаруды дамыту» бағ­дар­ламалары негізінде тағы да қосымша 50 нысанды сумен қамту жоспарланып, соған орай сапалы ауызсумен қам­тылатын ауыл саны 628-ге жетіп, 84,4 пайызды құрай­тындығын жеткізді.

 «Балапан» бағдарламасы аясында ағымдағы жылы 7 ба­лабақшаны пайдалануға беру, 8-іне күрделі жөндеу жұмысын жүргізу, жеке­мен­шік балабақшалар ашу қа­рас­тырылып отыр. Осылай­ша жыл соңына дейін бала­ларды бақшамен қамтуды 70 пайызға жеткізу көз­дел­ген, бүгінгі таңда 65,6 пайыз­ды құрап отыр. Жыл басынан бері 2 мемлекеттік, 21 же­ке­меншік балабақша ашылды.

Үш ауысымда оқытатын және апатты жағдайдағы мектептерді жоюда биыл 19 мектептің құрылысы жүр­гізілуде. Оның 15-і 1 қыр­күйекте пайдалануға беріл­мек. Олардың 5-еуі апатты жағдайдағы. 10-ы үш ауы­сымда білім беретін мек­тептердің орнын толтырады.

Облыс әкімі баян­да­ма­сын:

– Елбасының азық-түлік­тер бағасының негізсіз көте­рілмеуіне орай берген тап­сырмасы бойынша жедел штаб құрылып, күн сайын мониторинг жүргізілуде. Тұр­мысы төмен тұрғындарды қолдауда әлеуметтік дү­кен­дердің жұмысы жүйелі қа­да­ғаланып тұрады.

Біз Елбасының эконо­микалық өсімнің тұрақты қарқынын қамтамасыз етуге және сақтауға, халықтың тұрмыс деңгейін көтеруге бағытталған «100 қадам» тапсырмаларын орындау үшін барлық күш-жігерімізді жұмылдыруымыз қажет. Ол үшін бізде барлық мүмкіндік бар. Оларды толық көлемде пайдалануға тиіспіз, – деп қорытындылады.

Келесі кезекте облыстық мәслихат депутаттары Вик­тор Хильниченко, Жексем­бай Мейрембаев, Найля Үм­бетова, Ызғарбек Бектұр­сынов, Николай Калиновский жарыссөзге шығып, облы­сымызда атқарылып жатқан жұмыстарды ортаға салды. Депутаттар облыс әкімінің жұмысына бірауыздан қана­ғаттанарлық деген баға берді.

Сессия барысында қа­рал­ған келесі мәселе облыс­тық мәслихаттың 2014 жылғы 12 желтоқсандағы «Алматы облысының 2015-2017 жыл­дарға арналған облыстық бюджеті туралы» №40-225 шешіміне өзгерістер енгізу жөнінде облыстық эконо­мика және бюджеттік жос­парлау басқармасының бас­шысы Нафиса Сатыбалдина баяндама жасады. Сондай-ақ, сессияда Алматы облысы бойынша тексеру комис­сиясының мүшесі қызметіне ұсынылатын кандидатурамен таныстыру үшін облыстық тексеру комиссиясының төр­ағасы Нұрсұлтан Әкежа­нов­қа сөз берілді. Депутаттар Алматы облысы бойынша тексеру комиссиясының мү­шелігіне үміткер Ораз Сар­сеновтың мемлекеттік қыз­мет саласында атқарған жұ­мысын саралай келе, бір­ауыздан дауыс берді.

Сессия соңында облыс­тық мәслихат хатшысы Ер­мек Келемсейіт облыс әкімі Амандық Баталовты Елбасы Жарлығы мен шыққан «ҚР Конституциясының 20 жыл­дығы» мерекелік медалімен марапаттады. Мұндай на­гра­да аудан, қала әкім­де­ріне де табыс етілді.

Алма ЕСЕНБАЕВА