Адамзаттың ғарышты бағындырғанына жарты ғасырдан астам уақыт
өтіпті. Тарих үшін бұл тым аз. Демек, ға­рыш­қа құштар ғалымдар үшін аспан әлемі әлі де жұмбақ. Ра­сында, бала кезімізде осы тұңғиық кеңіс­тікке қиял көзімен ұзақ қарап отырушы едік қой. Адамның сол асыл арманы орын­далып, ең алғаш Юрий Гагарин ғарыш көгіне самғағанда ғы­лым­да үлкен сілкініс орнаған болатын. Енді, міне, Алаштың ұл­дары да бірінен кейін бірі ғарыш әлеміне тың зерттеулер жүр­гізіп қайтып жатыр. Тоқтар Әубәкіров, Талғат Мұсабаев, Айдын Айымбетов – қазақтың үш қыраны еліміздің абыройын ас­қақ­таты.

Жұмагүл СЕГІЗБАЙҚЫЗЫ,

Айдынның анасы:

– Айдынды алғаш құндақтап, құшағыма алған қуанышты күнім кеше ғана еді. Енді ғарышқа аттанып, аман-есен оралған тарихи сәтін көріп, көңілім толқып отыр, қайтейін. Тәй-тәй басқан күнінен томпаңдап, менен бір елі ажырамай жанымда жүретін. Ешкімді жатырқамай өсті. Кейбір балалар кішкентайында мазасыз әрі жылауық болады ғой. Айдын сәби кезінен тыныш, бір тоға, ешкімге соқтықпайтын салмақты мінезімен көзге түсті. Төрт-бес жасынан-ақ жолдасым Ақан екеумізге балалық қам­қор­­лығы, жан-жағында ойнап жүрген өзі құралпас шуылдақтарға жанашырлығы байқалды.

Асылы, адамзат алғаш жа­рал­­ған күннен аспанға ынтызар. Қырлы тастан үккіш жонып, ет кескен ежелгі қоғам да, мың сан техниканың тетігімен жұмыр жерді меңгерген бүгінгі өрке­ниет те жұмбағы көп көк зеңгірге зер салғыш. Қоршаған ортаның қы­зыл-жасылды құбылысына қы­зыға қарап, өмірдегі әр өзге­ріс­тің себебін білуге ұмтылатын сә­билік шақта кім көкке көз тікпеді дейсіз? Кеше ғана көше шаң­дат­қан шуылдақ кез жады­ңыз­да шығар әлі. Кілең ойын қуған кез­­белер қас қарая аяқасты шо­ғыр­ланып, бір ауық жұл­дыз­дар жай­лы жарыса сөйлеп жататын. Сонда шүпірлеген шибұттар тұң­ғиық ғаламды зіл батпан зымы­ран­мен емес, әлі сызат түсіп көр­меген сәби сезімдерімен сая­хаттап кетуші еді. Айдың арғы бе­тіне алып-ұшқан ақ қанатты арман, сансыз жұлдызды тал­май аралайтын бала қиял басым еді бәрімізде...

Қазақ хандығының 550 жылдығын мерекелеу үшін Астана қаласында бас қосқан отандастарымыздың бұл күнгі қуаныштарында шек болған жоқ деуге болады. Осынау қуанышқа ортақтасайын дегендей, бұған дейін суытыңқырап кеткен ауа райы да дәл осы күні жадырап сала берген. Мұның өзі де көңіл-күйді одан ары шалқыта түскендей.

Бейсенбі күні ҚР Инвестиция және даму министрі Әсет ИСЕКЕШЕВ ресми сапармен Жетісу өңіріне келді. Ми­нистр ең алдымен Алматы – Қапшағай автожолы құры­лысында болып, жұмыс қарқынына назар ау­дарды. Біткен істердің сапалық деңгейі қалай деген сұрақтарға жауап іздеді. Бұл жолдардың күні ертең ел эконо­микасының күретамырына айналатыны анық. Аталған нысан отан­дық қана емес, халықаралық маңызға ие. Облыс әкімі Амандық БАТАЛОВ ай­мақтағы жол құры­лы­сының қазіргі жайы мен оны дамыту мәселелері тура­лы әңгімелеп, жұмыс бары­сымен таныстырды.

Аспан әлемінде он күн бойы медициналық және биологиялық зерттеу жүргізіп, көкжиектен экологиялық қауіп-қатердің деңгейін анықтаған жерлесіміз Айдын Айымбетовтің құрметіне Талдықорған агротехникалық колледжінің студенттері мерекелік жиын өткізді.